CAGAYAN DE ORO CITY, Philippines – Opisyal nang gibuksan sa publiko ang pinakataas nga tulay sa Mindanao, ang Panguil Bay Bridge nga nagkonektar sa Tangub City, Misamis Occidental ug Tubod, Lanao del Norte.
Si Presidente Ferdinand Marcos Jr., ug First Lady Lisa Araneta ang nagsubo sa 3.169-kilometros nga istruktura ubos sa kasamtangang administrasyon.
Ang proyekto unang natuman tuig 2016 pinaagi sa loan agreement funding gikan sa gobyerno tali sa Korean Export-Import Bank – Economic Development Cooperation Fund (KEDCF).
Ang pinakataas nga tulay sa Mindanao nagkostar sa P8.026-Bilyon ug gi-implementar ilawom sa Department of Public Works and Highways (DPWH) Unified Project Management Office – Roads Management Cluster II.
Gipasigarbo ni Marcos ang labing abante nga Korean bridge technology sa pagmugna sa istruktura busa ‘world-class’ desinyo sa tulay.
Masaligon ang presidente nga pinaagi sa Panguil Bay Bridge, muabot nalang sa 7 minutos ang byahe gikan Tangub padulong Tubod, gikan sa orihinal nga land travel nga muabot sa duha ka oras.
Milaum usab ang presidente nga makapabaskog sa economic activity sa Northern Mindanao ang pagtukod sa makasaysayanong tulay.
