CAGAYAN DE ORO CITY– Dul-ag 15 na ang namatay tungod sa dengue sa Iligan City.
Miingon ang City Health Office kon CHO-Iligan nga ulahing namatay ang usa ka 6 anyos nga batang lalaki gikan sa Barangay Buruun, Purok 4.
Si Douglas Garcia, sanitation inspector sa CHO namahayag nga nagpadayon ang ilang cleaning operation pinaagi sa 4 o’clock habit matag adlaw.
Gibutyag ni Garcia nga misaka pa sa 854 ka kaso sa dengue ang ilang natala sa syudad, sugod Enero hangtud ikaduhang semana sa Agosto ning tuiga.
Gi-awhag sab sa konseho sa Iligan ang ilang katawhan nga mugamit sa insect repellant aron dili mapa-akan sa lamok nga dala sa dengue.
