CAGAYAN DE ORO CITY – Patay ang usa ka 29 anyos nga lalaki human gipusil sa wala pa maila nga suspek sa atubangan sa usa ka kan-anan sa
Purok Apitong, Brgy. Maranding, Lala, Lanao del Norte, kaganina sa buntag.
Giila ni Police Major Jonan Banas ang biktima nga si Allan Valmoria, 29 anyos, under probation sa kasong RA 9165, minyo ug molopyo sa Purok 1 Abaga Lala Lanao del Norte.
Base sa report, samtang naghatud sa pasahero ang biktima, kalit kinin gipusil sa ulo sa usa ka lalak nga nakamotor.
Dali nga gidala sa ospital ang biktima apan gideklarar kining dead on arrival sa mga doctor sa Kapatagan Provincial Hospital, sa Kapatagan Lanao del Norte.
Narekober sa crime scene ang duha ka gagnay nga heat sealed nga pakete nga puno sa shabu, usa ka rolyo sa aluminum foil ug disposable lighter gikan sa posisyon sa suspek..
Wala pay lead ang mga otoridad sa identidad sa gun man ug motibo sa hitabo.
