CAGAYAN DE ORO CITY – Gimando ni PNP Chief Gen Oscar Albayalde ang Civil Security Group nga mangunay sa imbestigasyon sa pag-atake sa mga rebeldeng NPA sa mga sekyu sa Minergy Power Corporation sa Balingasag, Misamis Oriental.
Nagduda si Albayalde kung nganong walay resistance sa kampo sa mga sekyu sa Minergy ilabina nga naisyuhan ang kompanya sa high powered firearms sama sa lima ka AK-47 assualt rifles.
Una niini, dismayado ang Chief PNP sa AY78 Blue guards agency tungod kay nahimong walay pulos ang ilang gipasigarbong training.
