CAGAYAN DE ORO CITY, Philippines – Kritikal na ang kahimtang sa panglawas ni Pope Francis.
Kumpirmasyon kini gikan sa Vatican dihang misamot ang iyang kalisud sa pag-ginhawa tungod sa “asthmatic respiratory crisis”.
“Niining buntaga, si Pope Francis nakasinati ug asthmatic respiratory crisis nga taas kaayo ang intensity, nga nagkinahanglan pa sa pag-apply ug oxygen sa taas nga flow,” ingon pa sa Vatican.
“This morning Pope Francis presented with an asthmatic respiratory crisis of prolonged magnitude, which also required the application of oxygen at high flows,”, ingon sa Vatican.
Segun sa report, nakalingkod na ang Santo Papa sa armchair kagahapon, apan klaro kaayo ang iyang kalisud sa pag-ginhawa.
Gawas sa pneumonia, padayong gi-abonohan sa dugo ang 88-anyos nga lider sa Simbahang Katolika tungod sa iyang sakit nga anemia.
Ning adlawa, wala kini makapadayag sa iyang regular nga Angelus Prayers sa balkonahe sa St. Peter’s Basilica kay gidili pa sa iyang mga doktor nga siya makagawas gikan sa “Agostino Gemelli” Hospital.
Kini na ang ikatulong higayon nga wala atubanga ni Pope Francis ang iyang mga sumusunod sa St. Peter’s Square.
Ang kahimtang sa Santo Papa nagpadayon nga kritikal, ug ang mga doktor nagpadayon sa pagmonitor sa iyang kahimtang.
Ang Vatican nagpadayag nga ang Santo Papa nagkinahanglan ug dugang nga pag-amping ug pag-atiman aron masiguro nga siya hingpit mahuwasan.
Ang mga deboto ni Papa Francisco sa tibuok kalibutan nagpadayon sa pag-ampo alang sa iyang kaayohan ug kaluwasan.
