CAGAYAN DE ORO CITY, Philippines – Andam na ang state venue ug mga simbahan nga agian sa Santo Papa sa Roma, alang sa iyang duha ka adlaw nga state visit sa Jakarta, Indonesia.
Kagahapon, gipalugwa na sa Indonesian Military (TNI) ug sa ilang National Police (Polri) ang bag-ong traffic scheme sugod ning adlawa.
Ang delegasyon ni Pope Francis, kinsa misakay sa gikomisyon nga Flight A330 – ITA Airways mulanding sa “Soekarno-Hatta” International Airport, unyang alas 11 sa buntag.
Unang namahayag si Joint Regional Defense Command I – TNI Vice Admiral Agus Hariadi nga mububo sila sa 4,300 ka ihap sa personnel ug TNI staff alang sa pagbisita sa labing taas nga opisyal sa Holy See.
Gawas niini, muabot sa 4,730 police officers ang mubantay sa seguridad sa Santa Papa alang sa iyang ipahigayon nga parada sa sentrong bahin sa Jakarta.
Lakip sa aktibidad nga panguluhan ni Pope Francis ang Indonesia International Sustainability Forum (ISF) 2024 nga ipahigayon sa Jakarta Convention Center, Jakarta, sa Setyembre 5 hangtud petsa-6.
Ugmang adlawa pa, sa Setyembre 4, muhatag kortisiya ang Santo Papa sa palasyo ni Indonesian President Joko Widodo, tungod kay unahon siyag sugat sa Congregation of Bishop sa Jakarta Cathedral, unya sa udto
Sa pagka Setyembre 5, ang Santo Papa magkigkita sa kadagkuan sa Istiqlal Mosque, sa Jakarta.
Sa pagkahapon, mulusad kinig lapad nga misa sa Gelora Bung Karno Main Stadium, Jakarta.
Sa petsa-6 mulupad ang Santo Papa gikan sa Jakarta padulong sa Port Moresby, Papua New Guinea.
Hisayran nga iladong Muslim ug Buddhist Country ang Indonesia ug anaa lamang sa 11% Kristiyano, segun sa ilang Ministry of Religious Affairs.
Lakip ang pinoy communities nga namuyo sa Jakarta ang nagpanikad nga makita ang Santo Papa ning adlawa.
Alang sa dugang detalye ania si Ginavella Limpin Cumla, Bombo International News Correspondent sa Indonesia.
