CAGAYAN DE ORO CITY – Gipangante ni Presidente Rodrigo Duterte nga manubag ang nagpaluyo sa pagpatay sa upat ka mga intelligence officer sa Armed Forces of the Philippines nga na-destino sa Jolo, Sulu.
Gihimo sa presidente ang pamahayag sa iyang pagbisita sa tropa sa militar sa Sulu, kagahapon.
Unod sa pamahayag sa presidente ang pagmando sa National Bureau of Investigation nga paspasan ang imbestigasyon aron masilotan na responsable sa nagsugo sa mga pulis o diba kaha, ang nagpa-on sa mga sundalo.
Gikalagot ni Duterte ang pagkamatay sa iyang tropa ug nangante kini nga siya mismo ang muatubang sa mga responsable sa krimen.
Mi-apelar usab ang presidente nga kining isolated case dili mahimong samputanan nga magkabikil ang tropa sa AFP batok PNP.
Kung mahinumduman nga namatay ang upat ka mga sundalo human gipamusil sa mga kapulisan sa Jolo niadtong Hunyo 29.
Unang namahayag si Presidential Communications Operations Office undersecretary Rocky Ignacio nga ma-eri ang speech sa presidente adlaw’ng Martes.
