CAGAYAN DE ORO CITY, Philippines – Gikompirmar sa Israeli Government ang drone attack sa usa sa puy-anan ni Prime Minister Benjamine Netanyahu sa Caesarea, north-central Israel.
Hinoon, wala sa ilang puy-anan si Netanyahu ug ang iyang kapikas.
Base sa report, mipalupad sa dili muminos 55 ka drones ang Hezbollah apan nasanta kini sa Iron Dome System ug tolo ang nakatipas, kundiin ang usa milampos sa pagbombardiyo sa balay sa primo ministro.
Ang laing duha miigo sa military barracks sa Norte.
Subay sa data projectiles, ang mga missiles nagsumikad sa Southern Lebanon.
Upat ang samaran, kundiin usa ang kritikal human maigo sa shrapnels.
Sa susamang oras, kapin 50 ka Palestino ang patay sa airstrike nga gilusad sa Israeli Defense Force sa Gaza Strip, segun sa Palestine Health Ministry nga nakabase sa Gaza.
