CAGAYAN DE ORO CITY – (update) Human madeklarar nga nCoV free ang usa ka Amerikanong langyaw nga unang nasuspetsahan sa nga nagbaton sa sintomas sa Wuhan Corona Virus, sa probinsya sa Camiguin, laing duha ka langyaw ang gipaubos sa Department of Health isip “people under investigation”.
Kagahapong adlawa, bulontaryo nga nagpahiling sa Northern Mindanao Medical Center ang duha ka Chinese National ug mitug-an nga nakasinati sa ubo ug hilanat.
Gilayong gikuhaan sa blood samples ang mga lanyaw ug gipadala ang ilang laboratory test Research Institute for Tropilc Medicine sa Muntinlupa, Metro, Manila.
Namahayag si Dr. Jose Chan, hospital director sa NMMC nga dili angayan magpanic ang publiko sa syudad kay may napulo ka lawak ang ilang ospital nga gitumong alang sa pag-kwarantinas sa mga gisuspetsahan batok sa delikadong sakit.
Sa pagkakaron, gihulat pa sa team ni Dr. Chan ang resulta sa duha ka PUI ug gilauman kini nga muabot karong hapon o ugmang aldawa.
Kung ugaling mag positibo ang duruha, naka-andam na ang isolation room sa mga pasyente ug maghulat sila sa direktiba sa DoH Central office kung asa kini ihiling.
Subli nanawagan si Chan sa publiko nga dili angayan kahadlukan ang bag-ong klase sa corona virus tungod kay kung lig-on ang immune system sa tawo, dali mabatukan sa lawas ang bayrus.
Namahayag sab kini nga batasanon ang paghugas sa kamot, likayan ang beso-beso o hand shaking, mugamit sa mask kung gikinahanglan ilabe na kung anaa ka sa public places, ug maligo matag-adlaw.
Ani-a ang link sa full interview sa Bombo Hanay Bigtime kang Dr. Jose Chan, Director sa NMMC https://www.facebook.com/bomboradyocdodxif/videos/852478745194594/
