Nakapiyansa si commedian/actor nga si Russell Brand human kini mipatim-aw sa korte sa Westminster Magistrates’ sa London. Ang 49-anyos nga komedyante gitugotan nga magpabilin gawasnon samtang nagpadayon ang pagdungog sa kaso batok kaniya.
Walay tsansa nga gihatag si Brand nga mahinabi sa press sa iyang pag-abot sa korte ug wala pa mi-entra sa iyang “plea” atol sa arraignment sa iyang kaso.
Si Brand kasamtangang nag-atubang kasong pagpanglugos, usa ka ihap sa indicent assault, usa ka ihap sa oral rape, ug duha ka ihap sa sexual assault. Subay sa reklamante, kini nga mga insident nahitabo tali sa katuigang 1999 kutob 2005.
Unang namatikdan sa press nga nagpabiling kalmado samtang gibasahan kini sa mga akusasyon sulod sa courtroom.
Ang sunod nga hearing sa komedyante ipahigayon sa Mayo 30 ug posibleng malugwayan pa ang proseso tungod sa backlog sa mga kaso ug sistema sa korte sa UK.
