CAGAYAN DE ORO CITY, Philippines – Dinali-ang gidala sa balaytambalanan ang Santo Papa sa Roma tungod sa nagka-grabe nga bronchitis.
Kagabie, oras dinhi sa Pilipinas gilayong gisulod sa Agostino Gemelli Polyclinic ang Santo Papa ug wala na makalugar aron mahimamat ang mga deboto nga gustong magpabendisyon kaniya.
Segun sa report, kapin semana na nag-antos sa trangkaso ang Santo Papa nga may sagol ubo, busa adunay mga higayon nga ang iyang aide ang iyang gipabasa sa iyang mga mensahe ug homiliya sa nanglabay nga pagselebrar sa santos nga misa.
Dumduman nga niadtong Marso 2023 unang nadala sa hospital ang 88 anyos nga si Pope Francis dihang gidayagnose kini bronchitis.
Mao kadto ang rason nga napugos ang Santo Papa nga ekanselar ang iyang biyahe sa United Arab Emirates alang sa COP28 climate summit.
