CAGAYAN DE ORO CITY – Mas prioridad ni Fighting Senador Manny Pacquiao ang mutabang sa kabus inay makigsangka kang Conor McGregor, ning panahon sa pandemya.
Kahinumduman nga mitanyag sa McGregor sa team Pacquiao nga makigharong kaniya sa dili pa matapos ang tuig.
Apan gitin-aw sa senador nga mas makapukos siya karon sa paghatag hinabang ug pagpanday sa balaod nga mahatagan sa trabaho ang mga na-retrench tungod sa pagsira sa mga patigayon nga grabeng naapektuhan sa COVID-19 crisis.
Hinoon, gi-angkon ni Pacman nga wala niya sirad-e ang pultahan sa pakig harong sa Irish retired professional mixed martial artist ug boksidor, apan, gitin-aw sa fighting senator nga dili pa tukma ang panahon alang sa ilang pagsangka.
