Gisugyot ni Senate Majority Leader Joel Villanueva nga silotan sa death penalty ang mga construction firm nga nalambigit sa ghost flood control projects.
Gihimo ni Villanueva ang pamahayag human napul-an na kinig sa saad ni DPWH Sec. Manuel Bonoan nga matuman ang ilang major flood control projects sa kauluhan apan ang resulta, wala pa gihapon masugdan.
Gani, gipakita pa sa senador ang mga video hearing sa milabay’ng tuig 2022, hangtud 2024 kung asa, iyang napamatud-an nga na-alokar na ang pondo sa pipila ka proyekto apan wala gihapon masugdi ang pagtukod sa mga istruktura.
Una niini, gikuwestiyon usab ni Villanueva kung nganong adunay mga district engineers nga kalit nga nabalhin ang assignment sa laing probinsya, human gipabuto ni President Ferdinand Marcos Jr ang pagpa-imbestigar sa tanan flood control projects sa DPWH sugod tuig 2022 hangtud karon.
