CAGAYAN DE ORO CITY – Ubay-ubay ka mga balay ang nasunog sa utlanang bahin sa Brgy. Lapasan ug Brgy. Puntod, ning syudad, karong buntag.
Basi sa report, nagsumikad ang sunog sa balay sa usa ka senior citizen.
Gitumbok sa Bureau of Fire Protection nga gipanag-iyahan sa usa ka Lucia Diaz, 68 anyos, ang unang balay nga nasunog ug mikatay sa pikas nga mga balay.
Nahimutang ang balay ni Diaz sa Tulay Semento, Agora, Brgy. Lapasan, ug mikatag ang kalayo padulong sa mga balay nga nahimutang sa St. John, Brgy. Puntod.
Mi-angkon si Diaz nga nabiyaan niya ang iyang gi-gang-gang nga kahoy sa ilang abuhan nga muresulta kini sa dakung kalayo ug pagkasunog sa ilang balay.
Gidala na sa ospital ang ginang human naka-angkon sa paso sa lawas ug nakuyapan sa pagsaka sa presyon sa dugo.
Sa pakighinabi sa Bombo Radyo kang Evita Casolo, usa sa nasunugan, iyang gibana-bana nga muabot sa gatus ka mga balay ang nalamoy sa kalayo.
Una niini, giilang squatters area ang lugar sa nasunugan.
Alang sa video sa sunog:
https://www.facebook.com/laurence.geralde/videos/pcb.2915066915189483/2915064775189697/?type=3&theater
