CAGAYAN DE ORO CITY– (update) Nadakpan na ang suspek nga brutal nga mipatay sa usa ka tomboy nga kahera sa usa ka gasoline station sa Gaabucayan Sts ning syudad.
Giila ni Police Capt. Jack Llaneta ang suspek nga si Daniel Bagobaldo, hingkod ang edad, usa ka basurero, ug molopyo sa Barangay Puntod ning syudad.
Samtang ang biktima naila nga si Rachel Manahan, 32 anyos residente sa susamang dapit.
Base sa interogasyon sa kapulisan, mi-angkon ang suspek sa iyang gihimong krimen.
Nadakpan ang suspek pinaagi sa gilusad nga follow-up operation human makit-e ang pinutos sa sako nga patay’ng lawas sa biktima ug gilubong sulod sa usa ka septic tank, duol sa payag nga gipuy-an sa suspek.
