Dismayado si United States President Donald Trump sa pamatasan nga gipakita sa North Atlantic Treaty Organization (NATO) dihang nanawagan kini’g suporta gikan sa mga alyadong nasud ug organisasyon aron pagpugong sa rehime sa Iran.
Gihimo ni Trump ang pahayag human siya nakigpulong sa iyang kabinete sa White House.
Si Trump miingon nga bilyones ka dolyares ang gipadala sa Amerika ngadto sa mga alyado isip tabang, apan sa dihang nangayo siya’g suporta, walay bisan usa ang mitubag.
Wala usab siya malipay sa ulahi nga pagpadala sa reinforcement sa NATO kay nadugay pa kini’g abot sa tensyonadong lokasyon, diin nahurot na sa tropa sa Estados Unidos ang mga assets sa pandagat sa Iran.
Gani, giila pa niya niadto ang NATO isip “paper tiger”, apan karon wala kini nakahatag sa igong aksyon sa panawagan sa alyado.
Lakip sa iyang gimahayan mao ang pagkamatinabangon sa Amerika nga dugay nang nagpanalipod sa Europa, lakip na ang pag-atubang sa Russia, apan wala siya nakadawat sa suporta gikan kanila.
