CAGAYAN DE ORO CITY, Philippines – Naka-una pa si kanhi US Presidente Donald Trump sa paghatag ayuda sa estado nga grabeng gilampurnas sa Hurricane Helene.
Kagabie, oras dinhi sa Pilipinas, giguba ni Trump ang regular itinerary sa iyang nahibiling campaign sorties sa Amerika ug mipadulong sa Georgia.
Iyang gihalaran sa usa ka minuto nga kahilom ang dul-an 30 ka tawo nga namatay sa maong estado.
Gawas niini, gi-anunsyo ni Trump nga dala sa iyang kampo ang mga pagkaon, sapot, krudo, gasolina ug uban pang ayuda alang sa mga nawad-an sa puy-anan ug sa mga namatyan.
