CAGAYAN DE ORO CITY, Philippines – Giisa ang Tropical Cyclone Wind Signal No. 4 sa northeastern portion sa mainland Cagayan ug southeastern portion sa Babuyan Islands, partikular sa Camiguin Island tungod sa taas nga posibilidad sa pag-igo sa mata sa Bagyong Marce, karong hapon.
Subay sa labing ulahing data, ang mata sa bagyo ulahing nasiplatan sa 210 km Sidlakang bahin sa Aparri, Cagayan.
Naglihok kini sa 15k matag oras sa Amihanan Kasadpang direksyon.
Ang pinakakusog nga dalang hangin sa bagyo (maximum sustained winds) muabot sa 155 km/h duol sa sentro ug paghaguro nga muabot sa 190km matag oras.
Gi-awhag ang mga namuyo sa coastal barangays nga maglikay sa 1-3 metros nga storm surge ilabe na sa Zambales, Bataan, ug Polillo Islands.
Lauman ang kusog nga huyop sa hangin, ug pag-ulan nga magresulta a pagbaha sa Batanes, Cagayan, Babuyan Islands, eastern portion sa Isabela, ug Ilocos Region.
Deklarado na ang gale warning no.6 alang sa tanan seaboards sa Northern Luzon ug eastern seaboard sa Central Luzon tungod sa grabeng pagbalod nga muabot sa 12 metros.
Susamang warning ang gi-instular sa Northern ug Eastern Luzon, tungod sa pagsaka sa balod nga muabot sa 3 hangtud 10 metros sugod ning adlawa.
