CAGAYAN DE ORO CITY, Philippines – Nanawagan si United Nations (UN) High Commissioner for Human Rights Volker Turk sa hinanaling ceasefire tungod sa pagsaka sa kapin 40,000 sa mga tawong namatay, sukad mibutho ang gubat sa Hamas Militants batok Israeli Defense Force didto sa Gaza Strip.
Gibutyag ni Turk nga kasagaran sa mga nakabsan pulos mga bata, kababaihan, ug mga tigulang.
Mipadayag sa lawom nga kabalaka ang UNHCR sa padayong paglapas sa IDF lagda sa gubat tungod kay nakahatag sa dakung kadaut ang ilang pag-atake sa balay sa mga sibilyan, ospital, eskwelahan, ug mga lugar sa pagsimba sa Gaza.
Gikakurat sa organisasyon ang data nga ilang nadawat human matande nila ang kapin 40,000 ka mga nakalas nga anaa sa 130 ka Palestino ang mamatay sa Gaza kada adlaw.
