CAGAYAN DE ORO CITY, Philippines – Gideklarar na sa nasud sa Israel nga persona-non-grata si United Nations Secretary General Antonio Guterres.
Namahayag si Israel Prime Minister Benjamin Netanyahu nga desisyon kini sa ilang parliamento kuyog ang nasudnong depensa.
Gikondinar sa gobyerno sa Israel ang pagdapig ni Guterres sa Hamas sa Palestine, ug gobyerno sa Iran, Hezbollah sa Lebanon.
Gitumbok ni Netanyahu nga nagpaulipon sa sayop nga idolohiya ang ulo sa UN busa nahukman nilang dili na pasudlon sa ilang teritoryo.
Kagahapon human sa gilusad nga security meeting, nadesisyonan sa Israel ang paglusad sa all out war batok Iran.
Ang desisyon nagsumikad sa kapin 200 ka mga missiles nga gipalupad sa Tehran sa sidlakang bahin sa nasud.
Hinoon, walay nakalahos sa ilang missiles kay pulos kini nasanta sa Iron Dome System.
