CAGAYAN DE ORO CITY – Pormal nang gilagdaan ni Foreign Affairs Secretary Teodoro Locsin ang termination notice sa Visiting Forces Agreement (VFA) sa nasud tali na sa Estadus Unidos.
Namahayag si Locsin via twitter nga gilayon nilang ipadala sa US embassy sa Manila ang notice of termination.
Unod sa social media post ni Locsin ang mando ni Presidente Rodrigo Duterte kang Executive Secretary Salvador Medialdea ug Foreign Affairs Secretary Locsin nga lagdaan ang “notice of termination” sa VFA.
Kahinumduman nga niadtong Enero 23, gihatagan ni Duterte ang gobyerno sa Amerika sa 30 ka adlaw nga wad-on ang kanselasyon sa visa ni Senador Ronald Bato dela Rosa ug sa uban pa niyang ka-partido tungod lang kay mipa-priso kini kang Sen Leila De Lima.
