Blacklisted na hangtud sa kahangturan ang kompanyang Wawao Builders Corporation.
Gihimo ni Department of Public Works and Highways (DPWH) Secretary Vince Dizon ang desisyon human personal niyang nasaksihan nga walay nahitabong proyekto alang sa baha sa mga lugar nga gihuptan sa Wawao.
Gibisita ni Dizon ang Bulacan ug mibati siya sa tumang kalagot sa iyang nasaksihan.
Miingon ang kalihim nga ang maong mga proyekto nagkantidad sa binilyong salapi gikan sa pondo sa gobyerno, ug ilang gihikawan ang katawhan nga nag-unang benepisyaryo niini.
Mahinumduman nga sa Senate hearing, ang presidente sa kompanya nga si Mark Allan Arevalo mipili nga dili motubag sa mga pangutana sa mga senador ug mibasa lang sa pre-written statement.
Kini nga lihok nagpasabot sa kakulang sa transparensiya ug posibleng paglikay sa legal nga responsibilidad.
Ang DPWH nagdesisyon nga i-blacklist ang kompanya aron dili na kini makadawat sa bisan unsang kontrata sa gobyerno sa umaabot, isip lakang sa pagpanalipod sa pondo sa katawhan ug pagpanglimpyo sa sistema sa infrastruktura.
Ang “habang buhay nga blacklisting” usa ka klaro nga mensahe nga ang gobyerno seryoso sa pagbatok sa korapsyon ug pagpangawat sa pondo sa proyekto.
Perpetually blacklisted usab ang kompanyang Syms Construction nga sole proprietorship ni Sally Nicolas Santos.
Siya ang rehistradong tag-iya ug representante sa kompanya base sa mga dokumento sa kontrata nga nahipos sa senado.
Nalambigit ang SYMS Construction sa mga kontrobersyal nga flood control projects sa Bulacan, lakip na ang giingong “ghost project” sa Baliuag nga nagkantidad og ₱55 milyon, nga wala na-implementar.
