Gihulagway ni Ka Leody De Guzman, usa ka iladong socialist ug labor rights activist, nga aduna gyud nagpahiping politikal nga rason ug pamaagi kon ngano nga kalit nga nabag-o ang baruganan ni Senate President Alan Peter Cayetano, hinungdan nga gidali-dali niini ang pag-convene sa Senado isip impeachment court.
Sumala sa iyang pagsusi, kining kalit nga kausaban nahitabo human malampuson nga nailisan ug naangkon sa ilang grupo ang liderato sa balay-balauranan pinaagi sa pagpapahawa sa kanhi pamunoan nga gihuptan kaniadto ni Senador Tito Sotto.
Gipasabot usab ni De Guzman nga ang gihimong lakang sa bag-ong mayorya usa lamang ka estratehiya o “peace offering,” diin ilang gisakyan ang proseso aron masiguro nga kontrolado ug anaa gihapon sa ilang mga kamot ang dagan sa maong kaso.
Dugang pa niya, bisan pa man og nilihok na ang impeachment court, klaro kaayo nga dula ug maniobra gihapon kini sa politika aron mapanalipdan ang ilang kaugalingong mga interes ug kaalyado.
