CAGAYAN DE ORO CIT – Gikompirmar mismo sa kapikas nga si Myrna Solarte alyas Ka Maria Malaya nga patay na ang iyang bana nga si NDF spokesperson Jorge Madlos alyas Ka Oris sa Bukidnon.
Apan gikontra ni Ka Malaya ang pasiatab sa militar nga giingong wala namatay si Ka Oris kuyog ang iyang babaye nga medical aide niini kay negatibo man sa engkuwentro niadtong tungura.
Giangkon ni Solarte nga daghan ang paagi sa pagpakiggubat apan dakong bakak alang kanila nga napatay sa engkuwentro si Ka Oris kay giingong gi-ambush kini sa militar samtang nagsakay sa motorsiklo padulong sa highway.
Miapelar usab si Ka Malaya kinsa taas nga opisyal usab sa CPP-NPA nga naglihok sa Caraga nga unta ihatag sa militar ang patay’ng lawas ni Ka Oris aron makahatag pa sila sa respeto niini.
Una nang wala pa makanaug ang patay’ng lawas ni Ka Oris kay gihulat ang resulta sa swab test samtang binantayan sa tropa sa gobierno sa maong lugar.
Samtang sa pikas bahin,sulbad na ang tanang kasong giatubang ni Ka Oris.
Kini ang pagpasabot ni Bukidnon Provincial Police Director Col Jun Mark Lagare kinsa kanunay’ng kaabag sa 4th ID sa pagpakigbatok sa mga pag-atake sa mga sakop ni Ka Oris sa probinsya.
Miingon si Lagare nga kabahin sa mga sirado na nga kaso batok Ka Oris nag multiple murder;robbery with homicide;kidnapping;arson ug destruction of property.
