CAGAYAN DE ORO CITY – Gikasuhan na’g kriminal ang pipila ka sakop sa grupong lumad nga namusil sa laing sakop sa tribu tungod sa gi-ilugan nila nga yuta nga iya sa pamilyang Cid diha sa sa Zayas, Landfill,Upper Carmen ning syudad.
Giila ni COCPO spokesperson Maj Evan Viñas ang mga dinakpan nga sila si Jose Paraguya, Eulodio Tuto ug Reny Atubang nga tanan hingkod ang edad gikasuhan sa frustrated murder ug kalapasan sa Comprehensive Firearms and Ammunition Regulation Act.
Kini human nagkasinabot nga pusilon ang biktima nga si Jemar Lauron nga miembro sa Mangangayaw tribal force.
Samtang sila Aljun Pauran, Rico Reunido, Joven Dagsangan ug Henry Jabla ang gikasuhan usab sa obstruction of justice ug kalapasan sa Comelec gun ban.
Hisayran pipila ka armas ug sundang ang nabawi sa otoridad human mi-responde sa nahitabong pag-pamusil sa lugar sa miaging gabii.
