GI-HINAOT ni Economics Professor John Louie Sabal sa Xavier University, Ateneo de Cagayan nga nga maminusan ang kabaga sa political dynasties sa Pilipinas.
Sa exclusive interview sa BOMBO RADYO, miingon ang propesor nga kini nga kultura nakuha sa mga anak, gikan sa ilang mga ginikanan, nga natuo nga walay bikil ang ilang pagsundog gipili nga propesyon sa pagkapolitiko.
Misugyot si Sabal nga unta, hulatan sa mga anak nga mahuman ang termino sa mga ginikanan, ayha magpapili, aron ma likayan ang overlapping nga pagdagan, kundiin halos silang tanan nahimo nang opisyal sa usa ka lungsod, barangay o probinsya.
Lakip sa gikondinar ni Sabal ang pagpuli-puli sa mga political families sa paghupot sa posisyon ilabe na kung mahurot na niini ang tolo ka managsunod nga termino sa pagkamayor, kagawad, kapitan ug uban pa.
Alang kanila mas importante nga mahatagan sa dayag nga tsansa ang kadtong magpapili nga maayo ang plataporma ug dili nalang magsalig ang katawhan sa kung unsa ang na-andam o gahulat lang nga tagaan silag pipila ka sinsilyo aron sila botaran panahon sa pili-ay
