CAGAYAN DE ORO CITY-Nahupay ang kabalaka sa mga negosyante sa pasalig sa militar ug kapolisan kabahin sa seguridad sa dakbayan.
Kini bisan nga gipaubos sa martial law tungod sa padayong giyera sa militar batok Maute group sa Marawi City.
Gibutyag ni Oro Chamber of Commerce President Robert Pizarro nga pabiling luwas ang seguridad sa syudad ingon man sa Misamis Oriental batok sa mga hadla.
Apan giangkon ni Pizarro nga dako na sila’g alkanse sa ilang mga patigayon tungod sa daghang pagsibog sa convention,seminar ug ubang kalihukan gumikan sa martial law sa Mindanao.
