CAGAYAN DE ORO CITY- Gihupay sa Task Force Bangon Marawi ang kadismaya sa internally displaced persons o IDPs sa bag-ong pahayag ni Pres Rodrigo Duterte.
Kini human unang namahayag si Duterte nga dili na magpagawas sa pondo aron gamiton pagtukod sa mga pinuy-anan sa mga Maranao nga apektado sa giyera sa militar batok grupong Maute-ISIS sa Marawi City tuig 2017.
Miingon si Task Force Bangon Marawi chairman Sec Eduardo del Rosario nga dili nila igsapayan nga hinay ang pagpabarog balik sa apektadong mga brgy masiguro lamang nga ensakto ang proseso nga sundon niini.
Nasayran nga anaa sa 70 bilyon pesos ang gikinahanglan alang sa hingpit pagpabalik sa Marawi City ngadto sa normal nga kaghimtang.
