CAGAYAN DE ORO CITY – Miguba sa 17 ka istraktura ang kalit nga pagkusog sa hangin sa coastal barangays sa Talisayan ug Laguindingan, Misamis Oriental.
Miingon si Misamis Oriental Provincial Disaster Risk Reduction Office head Fernando ‘Sotsot’ Dy Jr nga epekto kini sa puwersa nga dala sa bagyong Kristine nga grabeng midamyos sa mga probinsya sa Luzon.
Miingon si Dy nga sa 17 ka istraktura, duha niini ang damyos gyud nga balay,laing 14 ang parsyal ug nawad-an usab sa mga atop ang kapilya nga iya sa Philippine Coast Guard nga nahimutang sa Laguindingan.
Hinoon,walay bisan usa ka residente nga namatay, samaron ug missing atol sa dautang panahon nga nasinatian sa lalawigan.
