CAGAYAN DE ORO CITY-Gikakurat ug halos dili makadawat ang pamilya sa sikat nga Cagaya-anon singer ang paghimo nga pag-angkon niini nga siya maibog sa babaye ingon man lalaki.
Kini human angkona ni singer Mark Bautista nga abli siya mahigugma’g babaye ug lalaki.
Miingon ang uyuan ni Mark nga si Leonardi ‘Danny’ Bautista V nga epekto lamang kini sa intriga sa showbiz ang mga milugwa nga mga balita.
Apan giklaro usab niini nga andam nila tahuron kon unsa man ang pilion nga kinabuhi ni Mark kinsa naila nga buotan ug kugihan nga klase sa pagkatawo.
Si Mark kuyog ang mga kabanay niini ang may pinuy-anan diha sa Brgy Macasandig ning syudad.
Una niini,gibutyag ni Mark nga ikalipay niini kon makabaton gihapon siya’g pamilya kon itugot sa higayon.
