Gipamugos sa pundok sa Kabataan Partylist pinaagi ni Cobbie Jan Canda ang paghunong na sa paggahin og pondo sa NTF-ELCAC nga nagkantidad og 8.1 billion pesos tungod sa matud pa kawalay klarong transparency ug sa peligro nga magamit lamang kini sa korapsyon sa pipila ka militar.
Dugang pa sa opisyal, imbes nga magdala og seguridad, gigamit lang ang maong pondo alang sa pagpangatake, surveillance, ug pagpanghadlok sa mga progresibong grupo sama sa nahitabo sa Southern Mindanao Region.
Gisaway usab ni Canda ang kawala’y klarong accomplishment sa maong ahensya taliwala sa dako nga pondong ginahatag sa mga barangay nga giingong insurgency-free.
Tungod niini, nagtuo ang batan-ong lider nga mas angay nga ibalhin na lamang ang maong pondo sa serbisyo sa edukasyon ug mga programang makatabang sa krisis sa ekonomiya sa nasud.
