Wala na gikatingala sa pundok sa Kabataan Partylist ang padayong pag “absent” ni Bise Presidente Sara Duterte sa pinakaunang adlaw sa iyang impeachment trial sa Senado.
Gipadayag ni Cobbie Jan Canda sa maong grupo nga dili na bag-o ang maong lihok sa bise Presidente tungod kay consistent na kini sa pag”no show” sa iyang mga milabay nga pagdungog.
Bisan pa man sa iyang wala pagtambong kagahapong adlawa, gipasabot ni Canda nga magpadayon gihapon ang proseso sa impeachment, lakip na ang paglatag sa legal nga basehan alang sa mga artikulo sa maong kaso.
Sa laing bahin, gipadayag niya nga ang mas gipaabot karon sa ilang grupo ang mga himoong aksyon sa katawhan alang sa pagpadayon sa ilang panawagan nga pagpaningil sa mga korap sa nasud.
