Wala nagpaulahi ang kabatan-onan sa pagsuporta sa Dapat Isa Lang People’s Initiative aron matuman ang Anti-Political Dynasty Law ubos sa 1987 Constitution.
Tinguha ni Student Council Alliance of the Philippines Mindanao Chairperson John Philip Talaba nga tapuson ang nagtambok nga political dynasty pinaagi sa online signature campaign.
Gikinahanglan ang 7.5 million nga mga pirma sa tibuok nasod aron opisyal nga maduso ang petisyon ngadto sa usa ka referendum.
Tungod niini, giawhag sa batan-ong lider ang mga isigka-batan-on nga mopirma online aron makiusa sa kabag-ohan ug matuman ang target signatures sa giingong kampanya.
