Gihingusgan sa grupong Kalipunan ng Damayang Mahihirap (KADAMAY) ang panawagan alang sa tinuod nga kagawasan sa nasod atol sa ilang gipahigayong Independece Day rally ning bag-o lang.
Sumala ni Mimi Doringo sa moang grupo, padayon gihapon ang pagkontrolar sa Estados Unidos sa mga lihok sa kasamtangang administrasyon nga maoy hinungdan sa pagpabilin sa korapsyon sa gobyerno.
Dugang pa niya, kinahanglan nang tapuson ang tulo ka dagkong problema sa nasod nga naglakip sa imperyalismo, burokrata-kapitalismo, ug pyudalismo aron makab-ot ang kaayohan sa katawhan.
Bisan pa sa gitas-on sa panahon nga 128 ka tuig ang milabay, padayon gihapon ang panawagan sa grupo alang sa tinuod nga kagawasan sa Pilipinas.
Busa, gipahinumdoman ni Doringo ang tanang Pilipino nga gikinahanglan ang lig-ong panaghiusa ug padayong pakikibaka aron makab-ot ang tinuod nga kagawasan sa umaabot nga mga katuigan.
