Dili trabaho kundi kamatayan ang dala! mao kini ang komento ni Mimi Doringo, gikan sa grupong Kalipunan ng Damayang Mahihirap o KADAMAY, mahitungod sa pagtukod sa PaxSilica, mga EDCA sites, ug uban pang mga base militar sa Estados Unidos dinhi sa nasud.
Subay sa iyang pamahayag, anaa sa 1,600 ka ektarya sa yuta ang gilaumang kuhaon alang niining mga proyektong langyaw, nga unta magamit unta sa mga mag-uuma ug mga komunidad alang sa pagpananom og pagkaon alang sa mga Pilipino.
Dugang pa niini, gipadayag niya ang dakong kabalaka nga kini nga mga pasilidad ang mogamit usab og daghang tubig nga posibleng makapahimo sa mga Pilipino nga kulangon niini sa umaabot nga panahon
. Bisan pa man sa mga saad nga makahatag kini og oportunidad sa trabaho, gipahimangnoan ni Doringo nga ang maong mga polisiya ug kasabutan sama sa Visiting Forces Agreement makabenepisyo lang sa mga langyaw ug dili sa mga mamamayang Pilipino.
Busa, gihatagan og gibug-aton sa grupo nga ang maong mga proyekto dili makatabang sa ekonomiya sa nasud, hinunoa magdala kini og kadaot sa yuta ug panginabuhian sa katawhan
