CAGAYAN DE ORO CITY – Gikasuko ni City Mayor Rolando ‘Klarex’ Uy ang pagkadanghag sa pipila ka empleyado sa city hall ilabina sa buhatan sa City Housing And Urban Development Department o CHUDD.
Kini human nasayran sa mayor nga nawala ang dokumento sa survivor sa bagyong Sendong nga tuig 2011 pa nagsige’g hangyo nga tipik mahatagan sa relocation house apan kanunay gipabalik-balik sa CHUDD.
Miingon si Uy nga wala kini makagusto sa kadanghag sa maong opisina kay gibasol pa niini ang residente nga si Jose Rosal nga nabahaan sa Brgy Carmen ug kasamtangang nagpuyo una sa Brgy Canitoan ning syudad.
Ang maong buhatan ang gitahasan nga atimanon ang mga suliran sa housing program sa dakbayan.
