Kadaogan alang sa katawhan!”
Mao kini ang gisinggit sa mga grupong nagsumite og impeachment complaint batok kang Presidente Ferdinand Marcos Jr.
Namahayag si Atty. Harold Respicio, usa ka accountant ug apil sa mga nagsumite sa reklamo, nga gihulat na lamang nila ang hustong higayon aron mapresentar ang tanang kaso batok sa pangulo.
Butyag ni Respicio nga tuyo nilang palig-onon ug ipaisog ang katawhan, pinaagi sa pagpakita nga adunay igong basihan ug lig-ong grounding ang impeachment complaint aron mapalagpot ang presidente sa posisyon.
Matod pa niya, ang pulso sa katawhan maoy naghatag og gahum sa paglingkod ni Marcos Jr. sa posisyon, ug ang maong pulso gihapon sa katawhan ang maghukom sa tanang pagpangabuso sa mga opisyal sa ilang gahum ug katungdanan.
Pasalig si Respicio nga kung mahatagan na sila sa higayon nga maipaabot sa publiko ang unod sa ilang reklamo, mubaliktad ang kahimtangan sa nasud, ug mapanubagon ang mga tiwaling opisyal, lakip na ang pagkapalagpot ni BBM sa posisyon.
