CAGAYAN DE ORO CITY – Ipaubos sa mental health check ang tanan kadete sa Philippine Military Academy. Nunot kini sa milugwa nga report nga dunay laing 4th class nga kadete ang milanding sa ospital ug daw nalisu-an sa pangisip.
Namahayag si PMA Cadet Commandant Brigadier General Romeo Brawner Jr., nga importante alang kanila nga masuta ang kahimtang sa pangisip sa ilang mga kadete ilabe na nga dunay pipila sa ilang kadete ang mi-angkong “truamatic” ang ilang kaagi sa training.
Mi-angkon ni Brawner nga usa-usahon niya’g susi ang mga panglawas sa mga kadete kung duna ba kini mga pasa, samad ug bun-og sunod sa hut-ong sa mga freshmen.
