CAGAYAN DE ORO CITY-Gusto ni Kag Totsie Bautista nga mo-retiro na sa politika si Brgy Kap Pedro Balite diha sa Brgy Kauswagan ning syudad.
Kini human akusahi ni Bautista si Balite nga dili sihag sa pagdumala sa ilang barangay ilabina sa pagpadagan sa mga proyekto niini.
Kabahin sa gitumbok ni Bautista ang giingong pagbaligya sa mga basura diin giingong gibahin-bahin nila ni Balite ug ubang konsehal ang kinitaan niini.
Nagpatuman usab daw si Balite sa pipila ka proyekto nga dili makita sa katawhan o ghost projects sa ilang brgy.Samtang gihimakak ni Balite ang tanang pasangil ni Kag Totsie Bautista.
Gihagit ni Balite si Bautista nga kanunay motunga sa mga kalihukan sa brgy aron dili magpataka na lamang sa pagpamasangil.
Miingon si Balite nga walay basehan ang mga akusasyon ni Bautista rason nga dili kini angay tuhuan sa katawhan sa ilang brgy.
