CAGAYAN DE ORO CITY – Gipatubag na sa Malakanyang si Kag Zaldy Ocon kabahin sa reklamo sa pamilya ni kanhi City Mayor Rueben Canoy ning syudad.
Kini nunot sa video nga nag-viral sa social media nga giayo’g singka-singka ni Ocon si Canoy nga nakasakay sa wheelchair samtang anaa sulod sa hotel ning syudad.
Miingon si Rhona Canoy nga andam nila mapasaylo si Ocon apan dili nila masibog ang kaso.
Una nang nangayo’g pasaylo si Ocon apan dili kumbinsido ang pamilya ni Canoy niini.
Namugos si Canoy nga dili sila makadawat nga giingon adto ni Ocon ang ilang amahan nga usa na ka edaran ug mismo pa sa ilang gipanag-iya nga VIP hotel gihimo ang pagsinghag-singhag.
Dumduman nga gi-kuwestiyon ni Canoy si Ocon kon nganong wala niini gipabati ang perspective segment kay gipalabi ang usa ka coverage sa hitabo sa Misamis Oriental sa naglabay’ng bulan.
Si Ocon ang gisuspenso usab kini sa pipila ka bulan sa Ombudsman human sagpaa ang personahe sa Roads and Traffic Administration o RTA nga mi-ticket kaniya sa pag-illegal parking sa merkado Cogon ning syudad sa tuig 2018.
