Taliwala sa giingong hulga gikan ni kanhi Commander Bravo Datu Abdullah Macapaar, nagpadayag og bug-at nga panawagan sa kalinaw si Southern Cultural Communities and Traditional Arts official Ayesha Merdeka Alonto alang sa umaabot nga BARMM parliamentary elections.
Sumala sa opisyal nga nakasaksi sa gubat sa Mindanao niadtong tuig 1970, dili na jud angay pang balikan ang kasamok ug kinahanglang respetuhon ang kagawasan sa katawhang Moro sa pagpili ug pamunoan.
Gipahinumdum ni Alonto nga ang pundasyon sa kalinaw nga natagamtaman sulod sa miaging pito ka tuig maoy magsilbing pamaagi aron makatala ang tanan sa ilang boto nga walay kahadlok.
Tungod niini, gihangyo niya ang mga lider ug kanhi commanders nga pasagdan ug respetuhon ang gawasnon nga piniliay alang sa kaayohan sa matag Bangsamoro.
