CAGAYAN DE ORO CITY – Daw nabulgar ang kagubot sulod sa buhatan sa City Disaster Risk Recudtion and Management Office.
Unang gimahayan ni kanhi CDRRMD spokesperson Virgel Lago ang liderato ni Allan Porcadilla tungod sa pabor-pabor nga pagtratar sa mga empleyado sulod sa ilang opisina.
Napugos si Lago pag-resign bisan sa iyang nahatag nga dakung kontribusyon.
Samtang gi-akusahan usab ni Porcadilla si Lago nga ambisyoso.
Nagtoo si Porcadilla nga nagdali-dali si Lago nga masaka sa taas nga posisyon sulod sa CDRRMD.
Gibulgar ni Porcadilla nga tuig 2015 pa mihimo’g pagpangaplay si Lago sa PDRRMO sa Misamis Oriental.
