Delikado ang kahimtang sa mga middle class family nga maoy mahimong makinarya sa salapi sa gobyerno oras nga musamot pa ka daku ang utang sa Pilipinas, kung dili mabayran sa insaktong panahon.
Kini ang reaksiyon ni Micro Small and Medium Enterprise – CDO- Misamis Oriental Chapter President Ray Talimio Jr oras nga muabot pa sa 17 Trillion pesos o “record-high” ang utang sa Pilipinas.
Miingon si Talimio nga walay laing remedyo niini mao ang pagsaka sa buluhisan nga abagahon sa middle-income earners. Ang middle income earners maoy naghupot sa pinakadakung pahat kun hisgutan ang salapi nga ibayad sa gobyerno gikan sa iyang domestic ug foreign debt, taliwala sa napatumang Tax Reform for Acceleration and Inclusion (TRAIN) Law.
Subli, nanawagan ang grupo sa MSME’s nga tutukan ug maayo sa administrasyong Marcos nga dili na mudaku pa ang utang sa Pilipinas ug hinay hinay kining mabayran kay ang middle class maoy magsagubang niini kay ang buhis gikan kanila ang labing importante nga bahin sa government revenue collection
