Gipatin-aw ni Atty. Joel B. Mahinay sa Union of Peoples’ Lawyers in Mindanao nga kritikal ang proseso sa authentication sa bisan unsang video nga gamiton isip ebidensya sa mga quasi-judicial nga proceedings sama sa impeachment trial.
Matod sa maong abogado, bisan pa og live nga gipagawas sa Facebook ang maong video niadtong Nobyembre 24, 2024, kinahanglan gihapon kining ipaagi sa tukmang pagsusi aron masiguro nga kini orihinal ug dawatong ebidensya sa korte.
Dugang pa niya, dili igo nga naa lang ang video kay kinahanglan gayud mapamatud-an nga kini usa ka matinud-anong kopya sa orihinal aron dili kini mamahimong useless sa atubangan sa balaod.
Tungod niini, gipugos gayud ang maong pamaagi aron maseguro ang kamatuoran sa mga electronic evidence nga gipresentar sa maong mga pagdungog.
