Nangandam na karon si Konsehal Eric Salcedo, ang chairman sa Committee on Public Utilities, nga mopasa og opisyal nga resolusyon karong Septyembre 7 aron pormal nga mosupak sa pagpasulod sa mga unit sa Green GSM Taxi.
Butyag sa konsehal, dugay na kining gipadayag nga reklamo sa mga lokal nga drivers ug operators sa siyudad, apan nakurat na lamang usab siya nga nagsugod na kini og padagan sa dakbayan.
Gidugang ni Konsehal Salcedo nga kinahanglang tan-awon sa LTFRB Central Office ang sitwasyon sa kadalanan kay gidili usab ni Mayor Rolando “Klarex” Uy ang paghatag og terminal sa maong mga sakyanan.
Samtang gihatagan og luna sa plano ang 200 ka daan nga mga taxi, nabalaka ang opisyal kay posibleng moabot sa 300 hangtod liboan ka bag-ong units ang mosulod nga makadugang sa kahuot sa trapiko sa siyudad.
