CAGAYAN DE ORO CITY – Mag-atubang sa posibleng kasong homicide ang 38 anyos nga lalaki nga gitudlong suspek pagdunggab-patay sa kainom niini nga silingan sa San Juan 2,Brgy Lapasan ning syudad.
Giila sa Agora Police Station ang namatay’n g biktima nga si David Charles Roa Generalao,38 anyos samtang ang suspek nga detinado gitumbok nga si Darwin Bation nga pulos silingan sa lugar.
Saysay sa imbestigasyon,nag-inom pa ang duruha apan nagresulta sa panaglalis hinungdan sa dugu-ong kremin.
Dugang sa pakisusi sa kapolian nga unang miuli ang suspek ay mikuha’g kutsilyo apan giapas daw kini sa biktima ug nag-resulta sa pagginamitay sa puwersa.
Sumala sa kapolisan nga nakadunggab pa ang biktima sa paa sa suspek apan nabaslan usab kini sa likod nga hinungdan sa kamatayon niini.
Detinado ang suspek sa mini-cell sa Agora Police Station ug gitakdang kasuhan sa homicide tungod sa kremin.
