CAGAYAN DE ORO CITY-Gitakdang dad-on sa PNP aron i-presentar sa korte ang kapikas sa dinakpan nga si resigned City Councilor Ricardo ‘Ardot’ Parojinog nga si Misamis Occidental board member Mena Luansing sa Ozamiz City.
Kini human nasikop si Luansing pinasikad sa warrant of arrest samtang mitago
sa iyang paryente sa Paranaque City kagahapon sa kadlawon.
Miingon si PNP Intelligence Group Director C/Supt Edmund Gonzalez nga ipaubos nila sa medical check up ug booking si Luansing ayha imbestigaran ug itugyan sa Ozamiz City PNP sa sunod adlaw.
Dumduman nga sa hinapos nga bahin sa Mayo ning tuiga,nasikop usab si Parojinog nga dul-ag usa ka tuig nga nagtagu-tago sa hilit nga bahin sa Taiwan.
