Gihatagan og gibug-aton ni Konsehal Eric Salcedo ang pagkahimong panan-awanon sa panggamhanan diha sa pagsuporta sa 8.5 billion pesos nga loan alang sa bag-ong Government Complex.
Gitin-aw sa opisyal nga ang kasamtangang mayor ra ang adunay kaisog sa pagpatuman sa maong proyekto nga dugay nang giplano sa mga nakalabay nga administrasyon.
Gipahinumdoman usab ni Salcedo ang publiko nga ang mga loan kaniadto sama sa Cogon ug Carmen markets, diversion road, flyover, ug library gipangsaway man sa sinugdanan apan dako kaayo og gihatag nga kapuslanan karon.
Busa nagtuo ang opisyal nga ang pagbalhin sa mga opisina makasulbad sa ka-trapik sa centro ug maghatag og one-stop shop alang sa mas paspas ug haruhay nga serbisyo sa katawhan.
