Dako ang kabalaka ni Prof. Christopher Ryan Maboloc sa Ateneo de Davao University sa grabeng kakulangon sa manpower sa mga security guard sa mga pampublikong eskwelahan, tungod kay kasagarang ang PTA lamang ang nagasweldo kanila.
Gipasabot niya nga kung itandi sa mga pribadong tunghaan, ang usa ka dako nga pampublikong eskwelahan nga adunay kapin sa napulo ka libo ka estudyante, kasagaran adunay duha hangtod upat ra ka guwardiya nga nagabantay.
Tungod niini, gibutyag ni Maboloc ang iyang dakong kahadlok nga dali ra masudlan sa mga delikadong butang ug mahimong peligro ang maong mga tunghaan.
Busa nanawagan siya sa mga LGU nga mag-allocate og pondo ug makig‑koordinasyon sa Department of Education aron sila na mismo ang mosweldo sa mga guwardiya alang sa proteksyon sa mga bata.-
