CAGAYAN DE ORO CITY – Gilayong mihimo sa pakisusi ‘in aid of legislation’ ang committee on health sa Sangguniang Panlalawigan kabahin sa gitaho sa buhatan ni Governor Juliette Uy sa walo ka district provincial hospitals sa Misamis Oriental.
Kini human gisundayag ang ubay-ubay’ng kakulangon sa mga ospital sa probinsyal nga naglakip sa mga tambal,kakulang sa mentenans sa mga pasilidad ug daghang pang uban.
Gihimo ni Board Member Rommel Maslog,chairman sa komitiba ang lakang kay bisan ang SP nakurat nga gigahinan sa dakong pondo ang maong mga panginahanglan apan nasayran nga anaa nagpabilin ang maong mga kakulangon.
Kini ang rason nga palawman ang pakisusi aron makamugna’g mga rekomendasyon ngadto sa gobernadora nga makatabang nga mahitsas na sa kagamitan ang nahisgutang mga tambalanan.
Hisayrang sa unang semana pagdumala ni Uy sa kapitolyo,gilayong gisusi niini ang mga ospital sa unang distrito diin nasayran ang daghang kakulangon nga pursigido niya nga hatagan sa katagbawan kuyog ang mga grupo nga andam motabang kaniya.
